Ciencias no Mundo Contemporáneo.

2010, Ano da Biodiversidade

2010-06-18T12:00:00.000-07:00

2010 ANO DA BIODIVERSIDADE

Durante o mes de xuño os alumnos e alumnas de 1º de Bacharelato saíron á rúa, o monte, os pobos.....para coñecer a ' Biodiversidade' do noso contorno.

Deste xeito queríamos contribuír á celebración mundial do 'Ano da Biodiversidade'.

Pola súa localización xeográfica, nos límites da Rexión eurosiberiana e a Rexión Mediterránea, Galicia ten un patrimonio de especies moi elevado.

Podemos atopar carballeiras (Rexión Eurosiberiana) e tamen aciñeirais ao Sur das provincias e Lugo e Ourense (Rexión Mediterránea.

O mesmo ocorre se miramos cara o mar. Nos sistemas dunares da costa Atlántica atopamos especies que viaxan de Sur a Norte e de Norte a Sur da Península Ibérica nos chamados Corredores dunares.

Todo isto, sen contar co patrimonio Natural marítimo. O Parque Nacional das Illas Atlánticas é un exemplo a destacar.

Os traballos realizados estarán dispoñibles nos próximos días na seguinte dirección:

http://biodiversidadeollosgrandes.wikispaces.com/

Comparte con nós este patrimonio común.

Na imaxe que serve de icona da páxina, temos un exemplo de endemismo da fauna de Galicia: Crytocephalus lusitánicus, un insecto coleóptero localizado nas proximidades do Aciñeiral de Cruzul, Lugo.

Pegada ecolóxica 'Ollos Grandes'

2010-06-16T13:11:00.000-07:00

Presentamos os resultados obtidos dentro do Proxecto de Investigación: 'A Pegada ecolóxica dos Ollos Grandes'.

Durante case dous meses o alumnado de 1º de bacharelato C na materia de Ciencias do Mundo Contemporáneo desenvoveu unha investigación co obxectivo de coñecer o Impacto no planeta dos alumnos, profesores e persoal do IES A Nosa Señora Os Ollos Grandes de Lugo.

Os datos necesarios recollerónse da seguinte maneira:

facturas da auga, electricidade e gasóleo

enquisas sobre consumo de papel

enquisas sobre a mobilidade (uso de coche, autobús....)

Posteriormente representamos os datos obtidos e procedemos ao cálculos para coñecer as emisións do CO2 a atmosfera e a obtención do dato final, as hectáreas de bosque necesarios para absorber o CO2 emitido a atmósfera.

Pincha na imaxe para ampliar a táboa!!!

Podes coñecer o noso traballo na seguinte dirección:

http://pegadaollosgrandes.wikispaces.com/

Novas de saúde nos xornais

2010-05-17T09:28:00.000-07:00

Ás veces a realidade semella superar á ficción.

Nanorrobots para un mundo perfecto
Unha nova ferramenta para curar enfermidades xurde dende a nanotecnoloxía: Robots microscópicos poden viaxar polo interior do corpo humano e actuar como auténticas fábricas reparadoras de tecidos e todo no tamaño dunha cabeza de alfiler. E, para máis, os robots están fabricados con ADN.
Según, o xornal 'Público' que publica a noticia: ' Queren crear factorías de medicamentos diminutas, androides capaces de recoñecer células enfermas e aniquilalas ou construir unha nova xeración de chips orgánicos que multiplicarían a potencia dos ordenadores e reducirían o seu tamaño' .

O tamaño destos robots de ADN estaría en torno aos 15 nanómetros, e dicir 15 x10-9 veces máis pequeno que o milímetro.

Podes seguir a noticia nesta dirección : http://www.publico.es/ciencias/313201/nan/rr/bots/mundo/perfecto

Guerras microscópicas
E, no mesmo xornal o sábado publicábase outra interesante nova para o tema de 'saúde e enfermidade' que estamos a tratar na aula.
Nesta ocasión , no artigo desvelévanse os segredos de certos microorganismos para atacar as células do noso organismo. Son mecanismos do máis sofisticado que van dende un virus que se apropia dun xen das células que infecta ata unha bacteria que comeza unha invasión lenta célula a célula.
No artigo descobrense os misterios de unha bacteria, dous virus e un protozoo, tres tipos de microorganismos capaces de producir enfermidades infecciosas. O mesmisimo virus da gripe, por moito que semella prosaico non se escapa da sofisticación e, é capaz de dominar unha célula con só dez xenes.

Ler a noticia nesta dirección: http://www.publico.es/ciencias/313042/guerras/microscopicas

Saúde e enfermidade no mundo globalizado (III Parte)

2010-05-14T10:42:00.000-07:00

(....) 'Un dato o ilustra: o 1% máis rico da poboación mundial acumula tanta riqueza como a mitade da poboación máis pobre. Esa desigualdade afecta dramáticamente á saúde e o benestar de nenos e adultos, xa que a máis grande parte dos individuos non posúen o benestar material e social axeitado para disfrutar dunha vida digna e sana. A máis grande parte dos nveo millóns de nenas e nenos que morren ao ano fano nuns países pobres onde a mortalidade infantil está 30 veces por riba da dos estados ricos por causas evitables como a falta de auga potable e/ou alimentos.' (.....)

Recomendamos este artigo de opinión firmado polos profesores de 'Saúde Pública' nas Universidades Pompeu Fabra e a Universidade de Toronto, JOAN BENACH Y CARLES MUNTANER.

Nel destacamos a idea de que a saúde pública non se reflexa só nas diferencias entre os países, senon que está presente en toda a sociedade e recorda que as grandes diferenzas na saúde non radican na 'xenética' senon na precariedade laboral, a precariedade económica...,
como dice a OMS,

' (......) a acumulación tóxica de factores sociais inxustos e evitables, como a desigualdade económica, a precariedade laboral, a contaminación ambiental, a inseguridad alimentaria (......) . Ler máis no seguinte enlace

Saúde e xusticia social

Saúde e enfermidade no mundo globalizado (II Parte)

2010-05-12T12:04:00.000-07:00

Continuamos cos temas de saúde e propoñemos dous videos que encaixan perfectamente na estructura do tema:
No primeiro analizaremos os 'Virus', que son?, que precisan para reproducirse? son todos prexudiciais? Hai novas terapias que utilizan os virus como vehículo que traslada ADN.

http://www.rtve.es/television/20090615/virus-tres14-junio/280901.shtml

No segundo video, fálase de 'Obesidade', enfermidade típica do mundo desenvolvido.

tres14: obesidad

Una catástrofe non tan natural......Nova mega-marea negra

2010-05-02T01:18:00.000-07:00

O 20 de abril unha das plataformas petrolíferas do Golfo de México tivo un 'accidente' que causou un incendio e o posterior despolome da plataforma. 11 traballadores da plataforma perderon a vida. Dende ese momento polo lugar perforado para extraer o crudo, situado a uns 1.525 m baixo o mar, sae petróleo sen control a un ritmo de 25.000 barris diarios, segundo os expertos.
Escoitamos que se tardará sobre tres meses en 'taponar' a saída de crudo.

A mancha principal da marea negra ten o tamaño e a forma similar á Comunidade de Asturias. Afectará a varios estados de gran diversidade biolóxica e con moitos habitantes que dependen desa biodiversidade para vivir.
E todo nunha zona onde outras catástrofes, estas naturaiscomo os furacáns, os afectan con regularidade.

Crónica da situación no Golfo de México:
http://www.elpais.com/articulo/sociedad/Obama/enfrenta/marea/negra/elpepusoc/20100502elpepisoc_7/Tes
400 especies afectadas: http://www.elmundo.es/elmundo/2010/05/01/ciencia/1272705283.html

Pensar: Canto custa, de verdade, o petróleo e a gasolina? http://www.elmundo.es/blogs/elmundo/nodoycredito/2010/05/01/cuanto-cuestan-de-verdad-la-gasolina-y.html

Imaxes da NASA

En Galicia, sabemos de que vai a nova. No 2002 o buque monocasco Prestige tiña un accidente e se partía en dous fronte a Costa da Morte.
Monográfico Prestige: http://www.elmundo.es/especiales/2002/11/ecologia/prestige/

Outras mareas negras: http://www.elpais.com/articulo/sociedad/vertidos/mar/graves/ultimos/anos/elpepusoc/20100430elpepusoc_3/Tes

UD: Saúde e enfermidade no mundo. Diferentes 'retos'

2010-05-01T02:40:00.000-07:00

A globalización está afectando á cohesión social de moitos países, e non cabe dúbida de que os sistemas de saúde, elementos fundamentais da estructura das sociedades contemporáneas, non están funcionando todo o ben que poderían e deberían. A xente está cada vez máis descontenta ante a incapacidade dos servicios de saúde para proporcionar un nivel de cobertura nacional que satisfaga a demanda e as novas necesidades, e ante o feito de que os servicios prestados non sexan acordes coas súas expectativas. É difícilmente rebatible que os sistemas de saúde teñen que respostar mellor e con máis rapidez ós desafíos dun mundo en transformación. Organización Mundial da saúde, Informe de 2008

Comezamos co tema de 'Saúde e enfermidade no mundo actual:retos diferentes?' .

Durante catro semanas trataremos de ver as diferenzas en temas de saúde no mundo actual e as, diferenzas, tamén á hora dos avances precisos para atallar a enfermidade en cda un dos contextos (países ricos e países subdesenvolvidos).

Destacaremos os avances das enfermidades infecciosas, a aprición de novos patóxenos e o compararemos coas enfermidades características dos países ricos: cardiopatías, obesidade, saúde mental, enfermedades xenéticas.....

Remataremos coa autilización dunha nova tecnoloxía, A tecnoloxía do ADN recombinante, e a súa utilidade en cada un dos contextos mencionados.

Comezamos cun informe de ' Médicos sen fronteiras'

Para rematar a unidade de sostibilidade...

2010-04-27T13:05:00.000-07:00

ALIMENTAR CIDADES...

Problemas actuais

2010-04-25T01:45:00.000-07:00

O comezar este curso 2009-2010 traballamos na aula a relación 'ciencia e sociedade' analizando as novas sobre ciencia que aparercían nos xornais. Dende a materia de Ciencias do mundo contemporáneo se recomenda seguir esas novas e, mesmo, moitas veces as utilizamos na aula.

Hoxe destacamos esta que está a falar da nova 'Macropresa que construirá Brasil no mesmo Amazonas' , e que entre outras consecuencias, desplazará a 50.000 persoas. En tempos de enerxías renovables e menos agraseivas, que opinas tí?
Podes ler a nova nesta dirección:
http://www.publico.es/ciencias/307407/brasil/construira/gran/presa/pleno/amazonas

Outra situación importante na unidade didáctica que estamos a tratar na aula e que non poderemos profundizar é a 'Alimentación' e a obtención e novos alimentos. Hai van dous recursos para reflexionar sobre os novos métodos de producción de alimentos.

Copier-cloner from louis rigaud on Vimeo.

Catástrofes Naturais: A Terra lémbranos o seu poder

2010-04-17T01:25:00.000-07:00

Durante este ano 2010 a Terra semella querer recordarnos cales son os seus verdadeiros poderes. Si durante os primeiros meses do ano 2010 foron os teremotos os encargados de recordalo, neste mes de marzo ó terremoto de China temos que engadir a erupción do volcán de Islandia Eyjafjallajökull . Nas seguintes webs podemos observar como e de que maneira entrou en erupción e o porqué da nube de cinzas que afecta á Europa.

SEGUIMENTO DA NUBE DE CINZAS NA WEB DO SATÉLITE EUMETSAT

http://www.eumetsat.int/Home/index.htm

Máis información sobre a nova en:
http://www.elpais.com/articulo/internacional/nube/ceniza/amenaza/extenderse/todo/sureste/Europa/elpepuint/20100417elpepuint_2/Tes

Islandia, un país onde tamén nacen illas como a de Surtsey:
http://en.wikipedia.org/wiki/Surtsey

No seguinte vídeo explícase o porque dun volcán baixo o solo de Islandia. Sobre o minuto 2:31 explícase a formación dunha Dorsal, por onde se abre o océano Atlántico, a terra libera o seu calor interno e os volcáns entran en erupción. Na imaxe observamos como se rompe unha placa e comeza o ciclo de apertura dun océano.

Pero tamén terremotos no 2010

Recordando os terremotos do 2010 descubrimos que:
Máis de seis terremotos superaron os 5 grados da escala de Ritcher, a cal semella quedarse pequena á hora de medir os terremotos de hoxe en día.

Basta citar algúns dos máis altos na escala:
O terremoto de Haití no mes de Xaneiro, 7 grados
O terremoto de Chile en Febreiro, de 8,8
O terremoto en Turquía en Marzo, de magnitude 6
O terremoto de China en Abril de 7 grados na escala Ritcher

Estos son so, uns exemplos.
Podemos comprobar a cantidade de terremotos que se están a producir a cada momento na terra e onde se localizan visitando esta web do servicio Xeolóxico dos USA. Nos seus mapas tamén podemos ver as placas tectónicas,por onde discorren e que zonas do planeta son as máis afectadas. Sabemos que, os grandes terremotos están asociados a zonas de contacto de placas tectónicas. Son lugares onde chocan, se separan ou se deslizan dúas placas terrestes arrastrando con elas continenetes, océanos....

http://earthquake.usgs.gov/

Información do terremeto de 6,3 en Granada. O Mediterráneo é unha zona de choque de placas entre a Placa Europea e a Placa Africana.
http://neic.usgs.gov/neis/eq_depot/2010/eq_100411_uycs/neic_uycs_l.html

Retos no desenvolvemento do século XXI

2010-04-04T12:14:00.000-07:00

Propoñemos estes videos do programa de divulgación científica 'tres14' de tve2 que explican como avanzar nalgúns dos temas do desenvolvemento para o século XXI como poden ser : Megacidades, a pesca, os novos materiais....

tres14: megacidades

tres14 - novos materiais

LIXO

Tamén recomendamos este 'Curto' Brasileño titulado :'A ilha das flores'

12 ideas para o desenvolvemento sostible

2010-03-13T05:05:00.000-08:00

Copiando da natureza. A científica Janine Benyus propón 12 ideas para desenvolver unha tecnoloxía creativa para un mundo máis sostible.Copiando da natureza para xestionar os recursos, crear tecnoloxías limpas e eficientes e todo isto 'coidando o hábitat para as próximas xeneracións'.

Visita a súa web. http://www.asknature.org/

12 Grandes Ideas dende a Bioloxía:

- 01 Auto-ensamblaxe
- 02 CO2 como materia prima
- 03 transformacións solares
- 04 o poder da forma
- 05 saciar a sede sen auga líquida
- 06 extraer metais sen necesidade de minas
- 07 química verde
- 08 degradación paulatina dos materiais non útilies
- 09 vacinas na cadea de frío
- 10 detectar e responder
- 11 aumentar a fertilidade dos ecosistemas
- 12 a vida crea condicións básicas para crear máis vida

Estamos a preparar o texto en castelán. Pero podes seguir a conferencia escollendo castelán no bloque de subtítulos no propio video.(parte inferior esquerda).
Na barra lateral dereita podes atopar a transcripción en inglés.

Unha boa páxina para coñecer máis sobre 'sustentabilidade'

A pegada ecolóxica do IES Ollos Grandes

2010-02-20T01:51:00.000-08:00

Durante a próxima semana os alumnos de 1º de bac realizaran as enquisas de consumo de papel e de mobilidade ós membros da nosa Comunidade educativa. Terán que realizar 235 enquisas ó alumnado, 70 ós profesores e 14 ó resto do persoal do centro.

Os datos destas enquisas, xunto cos cálculos en consumo de gasóleo de calefacción, consumo de auga e consumo de electricidade forma parte do estudo global da pegada ecolóxica.

A pegada ecolóxica, é un indicador de sostibilidade proposto en 1996 por William Rees e Mathias Wackernagel e que podemos definir como:

'Área ou superficie dun terreo ecolóxicamente sostible (cultivos, pastos, bosques e ecositemas acuáticos) necesario para producir os recursos necesarios e eliminar os residuos producidos por unha poboación cun nivel de vida determinado, independentemente do lugar onde esté ubicada.

Normalmente a unidade de medida é en hectáreas por persoa e ano.

Así a pegada ecolóxica é un indicador que recolle claramente a relación nivel de vida - impacto no planeta.

Podes seguir os cálculos da pegada ecolóxica nesta dirección: http://pegadaollosgrandes.wikispaces.com/

Podes calcular a túa pegada ecolóxica nesta web:
http://www.myfootprint.org/es/about_the_quiz/what_it_measures/

Enlace de interese par ver o video 'A historia dos bonos do carbono'.

Pincha na etiqueta CC para escoller subtítulos en castelán.

Xestión sostible do planeta

2010-02-07T02:30:00.000-08:00

Comezamos cunha viñeta de 'El Roto

Aínda que o termo ' desenvolvemento sostible' xa parece moi gastado, por mal utilizado e demasiado citado, segue a ser un básico en calquera materia ou disciplina.

Por isto o tema que comezamos ten un interés especial. Descubrir que é e que non é desenvolvemento sostible, analizar por que este modelo de vida é imposible de manter por moito tempo, detectar como os cambios nun lugar do planeta involucran a todo o conxunto de habitantes e de zonas na terra, ver, con esperanza, os movementos cidadáns que se pronuncian e defenden un futuro para as novas xeracións e particpar nas accións conxunta que, como cidadán individual, podo facer para mellorar a situación actual.

A famosa idea de : ' Pensa globalmente e actúa localmente' resume a perfección o obxectivo do novo tema que estamos a traballar.

Recomendamos que, pares uns momentos e disfrutes coas seguintes páxinas web:

HOME, Unha película de Yann Arthus- Bertrand e estreada o 5 de xuño de 2009.
http://www.youtube.com/watch?v=SWRHxh6XepM

UNHA ILLA SOSTIBLE, El Hierro. Programa 'Crónicas' TVE

http://www.rtve.es/noticias/20100120/aliento-escondido-retrato-una-isla-que-quiere-ser-sostenible/313351.shtml

O XOGO DO CONSUMO de Greenpeace,

http://consumo.greenpeace.es/

A HISTORIA DAS COUSAS, da profesora Annie Leonard

O Cumio do clima na aula

2010-01-31T02:35:00.000-08:00

Durante catro sesións osrepresentantes realizaron as súas presentacións e as propostas de cada un dos países presentes en Copenhagen.

Presentaron o contexto do Cumio os representantes de Dinamarca acompoñados polo representante Panle de Expertos sobre Cambio climático que describiu a situación actual e os riscos para a humanidad e continuares coas emisións de Carbono sin control.

Despois representantes da UE, EEUU, Países emerxentes ( China, India, Brasil e Suráfrica) e o Grupo G77 que hoxe engloba a moitos maís países, entorno a 128, describirun a súa situación actual e as súas posturas para atallar o problema do Cambio climático.

A diferencia do Cumio real os grupos sociais representados por Greenpeace tiveron a oportunidade de presentar as súas propostas.

O luns 1 de febreiro faráse o resumo das propostas e devatiráse o contido da proposta definitiva que presentaran os representantes de Dinamarca.

Podes seguir os traballos no blog dos periodistas do cumio: O planeta visionario http://elplanetavisionario.blogspot.com/

O cumio de Copenhague no debate de aula

2009-12-19T02:06:00.000-08:00

18 de decembro no Cumio de Copenhagen

Enlaces que podes consultar para preparar o debate do Cumio na aula

Descarga o monográfico sobre Cambio climático da Casa das Ciencias http://www.casaciencias.org/gl/responde.html

Especiais do Cumio en varios xornais

Os Grupos sociais

Documentos de consulta

Informe IPCC 2007 http://www.ipcc.ch/pdf/assessment-report/ar4/syr/ar4_syr_spm.pdf
http://www.ipcc.ch/
http://benhennig.postgrad.shef.ac.uk/?p=174

'El escarabajo verde'. Programa recomendado este xoves

2009-12-16T11:25:00.001-08:00

Este xoves 17 de decembro ás 23:00 h na 2 de tve emiten un programa moi interesante sobre o Cumio de Copenhagen.

No programa haberá dúas partes, un documental e un debate posterior. Recomendo que o vexades para preparar o voso próximo debate na aula.

Máis información nesta dirección: http://www.rtve.es/television/20091215/escarabajo-verde-emite-programa-especial-sobre-cumbre-copenhague/305938.shtml

Tamén esta nova para escoitar. Descontamínate (rne).'Estocolmo, cidade verde'

Intermón:'Máis aló da axuda'Rne.

Novas de Copenhagen

2009-12-11T09:40:00.000-08:00

Novas do cumio do clima na web

http://www.rtve.es/noticias/cumbre-copenhague/
http://www.elpais.com/especial/cambio-climatico/

O cumio de Copenhague

2009-12-02T11:36:00.000-08:00

Copenhague 7 - 19 de decembro de 2009
En poucos días comezará o Cumio do clima de Copenhague.

Para empezar con bó pe, unha de 'El Roto'

Como tarefa de seguimento do Cumio, faremos unha selección de novas que compartiremos na aula. Será unha boa introdución o tema que comezaremos en xaneiro.

Para participar tes que recoller novas de xornais, tv ( que podes localizar nas súas páxinas web) ou de radio (tamén podes collelas na súa web).
Mesmo, si nas vacacións saes fóra e tes oportunidade de recoller algunha información, teráse en conta a túa colaboración.
Para entrar no tema unha das moitas páxinas web que podes visitar:
Activistas polo clima: http://www.activistasporelclima.com/index.php
http://www.wwf.es/que_hacemos/cambio_climatico/copenhague_09__vota_por_el_planeta/consejos_para_salvar_el_planeta/
http://www.wwf.es/que_hacemos/cambio_climatico/copenhague_09__vota_por_el_planeta/wwf_en_copenhague/

O debate final

2009-12-02T11:31:00.000-08:00

A semana próxima faremos as últimas presentacións do traballo por gupos. Recordade os consellos que dabamos para facer unha boa exposición oral.

Así mesmo, os días 14 e 16 terá lugar o debate sobre ' A ciencia e os cidadáns' que porá o punto final a este trimestre. Podedes recoller os materiais na fotocopiadora.

Sobre astronomía

2009-11-27T07:57:00.000-08:00

Recomendamos visitarestas seccións:

Viaxe Virtual da Terra ó Universo http://delatierraaluniverso.cienciadirecta.com/visitaVirtual.asp
Imaxes na sección Omega: Estrelas que morren, da Casa das Ciencias da Coruña http://www.casaciencias.org/gl/casa-omega.html
Camiños da luz (Album de fotos) http://www.flickr.com/photos/casaciencias/3234624840/in/set-72157594175036508/

Gráficos interactivos moi interesantes para o tema de astronomía. Seleccionados do especial de Astronomía de El País.

http://www.elpais.com/graficos/20040416elpepusoc_1/Ges

http://www.elpais.com/graficos/20080219elpepusoc_1/Ges

http://www.elpais.com/graficos/20070810elpepusoc_1/Ges

Viaxe nun buraco negro http://e-ciencia.com/blog/divulgacion/%c2%bfcomo-seria-viajar-en-un-agujero-negro/

Leer.es

2009-11-26T13:52:00.000-08:00

Ler para medrar, unha iniciativa que nos recorda o papel fundamental dunha boa lectura

Programa leer.es (Con la Educación)

Darwin e o cinema

2009-11-22T04:23:00.000-08:00

O venres ás 5 da tarde no IES Rosalía de Castro de Santiago entrgáronse os premios da Convocatoria de "Darwin e o cienema" dentro da Semán da Ciencia '09 .

Este programa xurde na celebración do Ano de Darwin (150 anos da publicación do seu libro "A orixe das especies" (concretamente presentouse en sociedade o 24 de novembro do ano 1859).

O IES Nosa Señora dos Ollos Grandes presentaba varios traballos a ese concurso. Dous dos equipos gañaron o 1º e o 2º premio con sendos videos. Parabéns a todas e a todos gañadores e participantes, así como as súas profesoras.

Novas de ciencia. Explorar o espacio

2009-11-17T12:39:00.001-08:00

Na rede podes atopar moitas noticias de ciencias. Pero moitas desas noticias podes escoitalas. Esta é unha pequena escolma de noticias de astronomía:

Temperatura de la luna (Ciencia al cubo)

Satélite SMOS (Ciencia al Cubo)

Telescopio solar Sunrise (Ciencia al Cubo)

Ulises (Ciencia al cubo)

Viaxe a un buraco negro http://www.cienciaes.com/segunda.php?id=12&pagina=ulises

Ciencia e pseudociencia

2009-11-11T10:30:00.000-08:00

Hoxe destacamos dúas informacións. Despois de ler esta noticia mira a de Ciencia e Música.
A NASA tivo que saír ó paso das miles de consultas na súa páxina web sobre o fin do mundo no ano 2012 a raíz da presentación no cine da película "2012". Ampliar a noticia ttp://www.publico.es/ciencias/tecnologia/268785/nasa/confirma/mundo/acabara

É comparable ó acontecido na presentación na radio de "A Guerra dos Mundos" o 30 de outubro de 1938 na cidade de New York:

"As oito menos vinte, hora local, o profesor Farrell, do Observatorio de Mount Jenigns de Chicago, Illinois, comunicaba ter observado varias explosións de gases incandescentes producidas a intervalos regulares no planeta Marte..."

Nunca antes as persoas pensaron ter tan cerca unha invasión extraterrestre. Miles de persoas sairon correndo da cidade .....e desde ese momento ós extraterrestres sempre foron os "marcianos".
Ampliar información http://es.wikipedia.org/wiki/La_guerra_de_los_mundos_(radio))

Agora repitese as historia coa película 2012. Para pensar

Ciencia e música

2009-11-11T07:19:00.000-08:00

Un proxecto moi ineteresante o que realizaron estos músicos con frases de científicos famosos. Forma parte dun proxecto chamado "A Sinfonía da Ciencia" que trata de promocionar "o coñecemento e a filosofía científica", como dicen os seus autores e a idea de "We are all connected"
Podes visitar a súa web http://www.symphonyofscience.com/

Avance da UD 3: A nosa xestión do planeta terra

2009-11-07T09:13:00.000-08:00

Ven de celebrarse en Barcelona a reunión preparatoria do Cumio do clima de Copenhague 2009.
Durante toda a semana representantes dos países do planeta tentaron de acadar pactos que fagan posible un acordo importante no segundo Cumio do Clima, despois de Kioto.

Isto é un avance do noso tema seguinte.
Para ir introducindonos no tema este video mostra do importante deste novo encontro.

Si queres particiar directamente na petición dun acordo real no Cumio do clima vai a este enlace
http://www.wwf.es/que_hacemos/cambio_climatico/copenhague_09__vota_por_el_planeta/

Enlaces de interese para consultar
http://www.ipcc.ch/

http://www.un.org/

http://www.greenpeace.org/espana/

http://www.csic.es/documentos/colecci...

http://www.greenpeace.org/espana/

http://www.rockwool.es/eficiencia+energ%c3%a9tica/el+cambio+clim%c3%a1tico+y+la+eficiencia+energ%c3%a9tica/cumbre+del+clima+de+naciones+unidas+2009

UD 2. Somos fillos das estrelas

2009-10-30T08:06:00.000-07:00

Unha pincelada sobre Astronomía.
Non podíamos pasar este ano sen tratar o tema.
Este é o seu ano. E nós somos fillos das estrelas. Para entrar no tema propoñemos este vídeo, estupendo reportaxe de Informe Semanal.

http://www.rtve.es/mediateca/videos/20090815/informe-semanal-hijos-las-estrellas/567531.shtml

Continuamos cunha nova de xornal que aparecía en setembro de 2008. A presentación do acelerador de partículas LCH.
A partir deste texto realizaremos actividades na aula. Descubriremos novos tipos de partícula. O por qué da espectacularidade da nova, do interese dos científicos.

http://www.elpais.com/articulo/sociedad/Cuenta/acelerador/particulas/LHC/elpepusoc/20080909elpepusoc_7/Tes#
Para completar esa información observa o gráfico desta web: http://www.elpais.com/graficos/sociedad/Gran/acelerador/particulas/europeo/elpgrasoc/20080910elpepusoc_1/Ges/

Outro enlace de interese para os que disfruten vendo as estrelas na noite. "Mirando al cielo" permite localizar as constelacións segundo o día do ano. Para despois buscalas na noite.

http://www.elpais.com/graficos/sociedad/Mirador/cielo/elpgra/20090301elpepusoc_1/Ges/

E para disfrutar estas imaxes do Cosmos:

Exposición oral do proxecto de investigación

2009-10-24T11:21:00.000-07:00

Facer unha exposición oral non é tarefa fácil. O medo escénico característico dos estudantes fai que poucas veces se presenten voluntarios para realizar tarefas cara os seus compañeiros.
Esta pode ser a primeira vez que se enfrontan a ela polo que ahí van uns pequenos consellos.

A presentación quitouse para que o blogue poidera cargar máis rápido.

Tamén podes obter información nesta dirección

http://blog.lengua-e.com/2009/como-hacer-la-introduccion-en-una-exposicion-oral/

http://www.xtec.es/~cmunoz/recerca/oral.htm

Boa sorte coa que ídes a realizar

Primeiro Proxecto

2009-10-19T10:11:00.000-07:00

O luns 26 remata o prazo para a presentación dos artigos que recollen o primeiro proxecto.

O mércores 28 revisaremos as presentacións que acompañarán ás exposicións orais de ditos proxectos.

Seleccionarei tres grupos para expoñer este primeiro traballo. Os demais grupos presentarán oralmente os seus proxectos na próxima avaliación.

Diario de clase de Ciencias do Mundo Contemporáneo

2009-10-17T13:16:00.000-07:00

Seguimento da materia de 1º de bacharelato no curso 2009-2010
O obxectivo fundamental que nos plantexamos é coñecer e valorar o papel da ciencia na sociedade actual. Para esto nada mellor que traballar como traballan os científicos: investigando.

Investigar responde a unha característica inherente ao ser humano: a curiosidade.
Ser curioso implica querer desentrañar os misterios do quenos rodea. Esta idea estará na base de todas as actividades que realizaremos neste curso.

E, seguindo a metodoloxía científica nos introduciremos na Ciencia do Mundo Contemporáneo. Para isto comezamos cun fragmento da serie "Cosmos", onde Carl Sagan, gran científico e divulgador, nos aproxima o papel que a ciencia e a súa metodoloxía tiveron e teñen na actualidade.

Seguindo a metodoloxía científica, o primeiro traballo a realizar será un Proxecto de Investigación. Por medio dun traballo en grupo intentaremois averiguar cal é o papel da ciencia na sociedade actual.

Os traballos se presentarán nun formato de artigo científico o mércoeres 21 de outubro. Escolleremos tres traballos para realizar unha exposición oral.